WHAT IS KALESA?



Nais nang KALESA na maging patnubay at kabahagi ng Philippine arts and culture.

Wednesday, November 1, 2017

Silang mga Balo ng Marawi

By: Ymatruz | Wednesday, November 1, 2017 Category: |

Ang isang ina

kapag naiwang nag-iisa,


wala nang kaagapay

sa paggabay

sa kanyang tatlong supling,


na lahat ay munti pa

at mga walang malay


na ang kanilang tatay,

kailanma'y di na uuwi

sa hirap nilang buhay.


Ang isang ina

kapag naiwang nag-iisa,


sukdulan man ang hapdi

ay pilit ikinukubli

sa kanyang tatlong supling


na lahat ay munti pa,

ang pait at pighati.


Damdaming namumuhi

ay kanyang idadaan na lamang

sa gabi-gabing paghikbi.


Ang isang ina

kapag naiwang nag-iisa,

ang tanging aako rin

sa pagiging ama.



Magluluto

maglalaba

araw-araw magtitinda


tangan-tangan ang bilaong

magpupuno


sa gutom

nilang mag-iina.


~ ymatruz


SHARE THIS POST:

No comments :