Mahal Mo Na Ba Si Crush?

Kumikirot ang puso mo
kapag di nakikita si crush
Nangungusap ang sulyap,
sana ay mapansin ka niya.

Ulap Man ay Nag-iisip Rin

Kaybuti ng payapang umaga.
Hangin man ay umiiwas dumampis
Sa pisngi ng bubong sa bukiran
At nag-iisip ang ulap, nalilito
Kung anung kulay ang ipipinta
Sa kanyang kapaligiran.

Para sa iyo, Miriam

Bumibigat ang higaan
Dumidilim ang salamin na dati'y
Tanglaw ng mga bituin.

Ang makinis na balat ay
Unti-unting natutuklap
Gaya ng playwud na inaanay
Sa tag-ulan.

Disente ka ba?

Disente ka ba kung hindi ka nagmumura?

Santo ka ba sa tingin mo dahil ikaw ay palasimba?
Kung makatulong ang tangi mong sadya
Magsilbi ka sanang mabuting halimbawa.
Palaganapin ang magandang isipan at gawa
At hindi yung idinidiin mo ang masamang salita.

Medalyang Ginto

Pagdating ng araw, sisikat din ako.
Higit pa sa Inang Araw, kikinang
ang aking mga pangarap, kikintab
higit pa sa punyal na pinapanday
ng aking kaisipan.

Fountain's Cry

Sa paligid ko'y dagat
Sing-asul ng ulap.
Mabuti pa ang halaman
Masigla at may bulaklak.
Samantalang ako'y uhaw
...At walang tubig!!